कुष्ठ्ग्रस्तांची अपेक्षा

कींवभर्‍या नजरेने बघता
जाता येता आम्हाकडे
तुमच्याकडुनी काहि नको,
आम्हि देवा घालितसुं साकडे

पहावयाला नेत्र मिळावे
बोलायाला जिव्हा हवी
हसावयाला ओठ दोन अन
ओठांसाठी गाणी हवी

देवाचे कुणि नाम घेइ तर
कान हवे ऐकाया दोन
चालायाला हवित पाउले
अन जोडाया करतल दोन
……

हे सारे उपलब्ध तुम्हाला
आम्हापाशी काहीं नसे
लाभो तुम्हाला धनराशी
ध्यास तयाचा आम्हा नसे

दोनच घास मिळाले जर तरी
विझेल पोटातिल ठिणगी
तुमच्यासाठी राहु द्यात मग
धान्याने भरली कणगी