सखये, नको विचारू ही व्यर्थ पहेली,
… हरएक गज़ल माझी कोणास वाहिलीॽ
भ्रमरापरी कधी मी स्वच्छंदसा भटकलो
पण भारल्या क्षणी या कमलात बंद झालो
प्रीती कशी म्हणावी अव्यक्त राहिली ॽ
… हरएक गज़ल माझी कोणास वाहिलीॽ
मदिरा समर्थ नव्हती मज उन्मनी कराया
तव विभ्रमात होती ती जादुगरी माया
माझी अशी दशा का नाहीस पाहिली ॽ
… हरएक गज़ल माझी कोणास वाहिलीॽ
भुवया कमान झाल्या अन नेत्रबाण सुटले
शरविद्ध हृदय माझे शतधा विदीर्ण झाले
छबि लोचनी कुणाची माझ्या स्थिरावली?
… हरएक गज़ल माझी कोणास वाहिलीॽ
सखये, नको विचारू ही व्यर्थ पहेली,
… हरएक गज़ल माझी कोणास वाहिलीॽ
२३ मार्च २००९
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा