खुलती बटा गालांवरी‚ मऊ रेशमाच्या झालरी
गोरा गुलाबी हासरा चेहरा तुझा सखी लाजरा
कचभार जो स्कंधावरी आषाढ घन जणू अंबरी
खुलती बटा गालांवरी
क्षणमात्र उचलशि पापण्या‚ शर येती हृदया विंधण्या
घायाळ या जीवास दे‚ झुलुपांची शीतल सावली
खुलती बटा गालांवरी
डरणार ना मरणास मी जर आस माझी हो पुरी
मजसाठी तव नेत्रांतुनी बस एक अश्रू झरे तरी
खुलती बटा गालांवरी
मजला नको जीवन पुन्हा‚ निष्प्रेम जगणे हा गुन्हा
माझ्या स्मॄतीला मात्र दे जागा जराशी अंतरी
खुलती बटा गालांवरी
१४ मार्च २००९
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा