स्वप्न दावू नको, जीव लावू नको
प्रीत सांगेलसे गीत गाऊ नको
वाट मी पाहिली होउनी बावरी
शब्द होते तरी स्तब्ध आसावरी
पाहता पाहता सांज झाली आता
दर्द छेडीलसा सूर लावू नको
शीळ ही वाढवी काळजाची गती
पीळ पाडी जिवा, स्वॆर होई मती
बांधल्या भावना, आवरोनी मना
बांध फोडीलसा पूर वाहू नको
अंतरंगी कधीचाच आलास तू
अश्रुरूपे कधी व्यक्त झालास तू
रूप घेऊनिया, मूर्त होऊनिया
पापणीपाठुनी आज येऊ नको
स्वप्न दावू नको, जीव लावू नको
प्रीत सांगेलसे गीत गाऊ नको
१६ मार्च २००९
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा