तुझ्या प्रेमरंगात न्हाऊन गेले

कटाक्षात एकाच पाहून गेले
तुझे स्वप्न बघण्यात वाहून गेले

विचारायचे "मी तुला भावले का?"
मनाच्या तळाशीच राहून गेले

जरी बोलले नाहि काही तरीही
खुणेनी तुझे नेत्र बाहून गेले

"उद्या भेट" ऐशा तुझ्या त्या खुणेने
मनाची उलाघाल साहून गेले

कळालेच नाही मला काय झाले
तुझ्या बाहुपाशीं स्वताहून गेले

असे वेड त्या भेटिने लावले की
तुझ्या प्रेमरंगात नाहून गेले