आज हितं उद्या तितं, कुटं परवा तेरवा ?
कोन कशाला पुसंल ? हाय कुनाला पर्वा ?
जिनं हाय सटवाईच्याच हातामदलं खेळनं
कुनाच्याबी बा ला न्हाई आलं भरमन (भ्रमण) टाळनं
जवा गुर्हाळ सप्पल तवा पालं उठायची
आन् अंगातली हाडं जरा ज्यादाच वठायची
पाय बांधलं गाडाव जसं खुरडत खुरडत जाई
ह्योबी तश्याच चालीनं वाट रखडत र्हाई
मुंडी खाली घालूनच हाये जायचं व्हाऽत
कागदकपटा जाई जसा पानलोट बहावात
कवा पडला पान्यात आणि कुटं जानं हाये
ठावं न्हाई त्येला ! तसंच ह्येचंबी जिनं हाये
जातीला म्हन्त्यात चोरटी, पन प्वाट खपाटीला
कुठं गेला सांगा मं त्यो कंदी मारल्याला डल्ला ?
आ ? सांगा की वो !
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा