कटाक्षात एकाच पाहून गेले
तुझे स्वप्न बघण्यात वाहून गेले
विचारायचे "मी तुला भावले का?"
मनाच्या तळाशीच राहून गेले
जरी बोलले नाहि काही तरीही
खुणेनी तुझे नेत्र बाहून गेले
"उद्या भेट" ऐशा तुझ्या त्या खुणेने
मनाची उलाघाल साहून गेले
कळालेच नाही मला काय झाले
तुझ्या बाहुपाशीं स्वताहून गेले
असे वेड त्या भेटिने लावले की
तुझ्या प्रेमरंगात नाहून गेले
०२ जून २००९
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा